Willkommen beim Cercle Athletique Schifflange

Bei der 14. Editioun vun onsem Meeting International konnten mier rëm en staarken Plateau presentéieren:

Iwwer 800m bei den Hären konnt sech den Khaled Benmahdi (ALG) an 1:48,17 durchsetzen. Als Lëtzebuerger Vertrieder hun sech den Charles Grethen (CSL) als 5. and den Luc Hensgen (CAS) als 7. respektabel aus der Affär gezunn.

Iwwer 800m bei den Dammen huet sëch Siham Hilali (MAR) déi 1. Plaatz gesëchert, daat mat engem neien Meeting Rekord vun 2:03,46s.

Am Diskuswerfen bei den Dammen huet Zaneta Glanc (POL) mat engem Worf iwwer 57,88m vir en neien Meeting Rekord gesuegt.

Erfreelëch aus Lëtzebuerger Siicht konnt sëch d‘Patrizia Van der Weken (CAPA) iwwer 100m mat enger neier perséinlecher Beschtzéit vun 11,78s an der Finale durchsetzen.

Allgemeng bleiwt ze hoffen dass an Zukunft méi Lëtzebuerger Athleten den Wee op Schëffleng fannen, vir sëch op dësem Niveau ze moossen.

RTL huet och en flotte Reportage iwwer den Meeting gemaach:

Sämtlech Resultater vum Meeting sinn hei ze fannen.

Bei dëser Gelegenheet wëllen mir och all den Jugen an Fréiwellegen en grousse Merci soen; ouni dësen Asaatz wir et nët méiglech sou en Meeting duerchzezéihen.

Eng ganz Reih Photoen vum Meeting sinn hei ze gesinn. Och hei en grousse Merci un eis Photografen.

Ob dir bei eiser Tombola gewonnen  hutt, kënnt dir hei gesinn.

Bei engem internationalen Meeting zu Liège (B) huet den Luc HENSGEN op en néits sëng exzellent Form ënner Beweis gestallt, an iwwer 800m sëng Bestleeschtung op 1:50,04s verbessert.

Daat léisst hoffen dass den Luc op eisem Meeting ënnert engem staarken Feld ët vir d’éischte kéier ënner 1:50 packt. Allez Luc, weider esou !

Weider  Detailer zum Meeting fënnt en hei.

Leschte Weekend hun mir d’Landesmeeschterschaften um Bierg ausgeriicht.
Den Comité vum CAS seet allen Memberen, Fréiwëllegen an Jugen déi eis während denen 2 Deeg
mat hirem Asaatz ënnerstëtzt huen en ganz groussen MERCI.

Op sportlëchem Plang hun mir eng Reih flott Resultater opzeweisen. Leider haaten mir virun allem bei den Dammen nët an all Disziplinn eis beschten Leit um Start, soss wär d’Resultat sëcher nach besser ausgefall.

Resultater Dammen:
Am Kugelstoussen huet BUSCHGENS Emilie mat 11,31m déi 2. Plaatz ereecht. Am selwechten Concours ass d‘RAUSCH Florence mat 10,01m daat 6. ginn.

Am Diskus ass d‘RAUSCH Florence daat 2. (31,63m) an d‘BUSCHGENS Emilie daat 3. ginn (31,37m).

Am Speer bei den Dammen ass d‘RAUSCH Florence daat 4. (32,05m) an d‘BUSCHGENS Emilie daat 5. ginn (30,96m).

Resultater Männer:
Bei der Perche Männer huet den LANOTTE Baptiste mat 4,50m eng 3. Plaatz, an den HUTLET Gaëtan mat 4,00m déi 4.Plaatz beluecht.

Iwwer 800m bei den Männer konnt sech den HENSGEN Luc kloer an 1:56,93 durchsetzen.

Am Héichsprong bei den Männer huet den BEBON Quentin mat iwersprongenen 1,96m déi 3. Plaatz beluecht.

Iwwer 1500m bei den Männer huet den HENSGEN Luc iwerraschend an 3:56,71 déi 2. Plaatz beluecht virum BARATTE Andrea an 4:00,00. Domat ënnerstréicht den Luc emol méi sëng aktuell staark Form.

An der 200m Final vun den Männer ass den BEBON Quentin mat 23,34s den 6. ginn.

All d’Resultater kann en héi fannen.