Willkommen beim Cercle Athletique Schifflange

Meeting International 2021

Nodeems mer bedingt durch d’Corona Pandemie 2020 eisen Meeting International nët konnten ausriichten, hun dëst Joer ërem eng ganz Reih Top Athleten déi schon bei Welt- an Europameschterschaften souwéi Olympeschen Spiller Top Resultater bruecht hun de Wee op Schëffleng fonnt.

Dobéi sinn ërem eng ganz Reih Meeting Rekorder gefall:

– 100m Männer; Julian WAGNER (GER) an 10″11
– 400m Dammen; Armandine BROSSIER (FRA) an 52,49
– 800m Männer; Marc REUTHER (GER) an 1:44,71
– 1500m Dammen; Meraf BAHTA (SWE) an 4:08,33
– 1500m Männer; Simas BERTASIUS (LTU) an 3:39,81

Aus Lëtzebuerger Siicht ass am Kugelstoussen den Bob Bertemes ze nennen, den mat 21,70m zu aaler Stärkt ëremfonnt huet an den Concours souverän gewonnen huet.

Den Charles Grethen ass no sëngem Exploit bei den olympëschen Spiller zu Tokio iwwer 800m un den Départ gaang an huet an engem staarken Feld an 1:48,96 déi 7. Plaatz gemaach.

Iwwer 1500m bei den Fraen bleiwt d‘Vera Hoffmann ze nennen. D’Vera huet déi 12. Plaatz an 4:24,22 ereecht.

Sämtlech Resultater vum Meeting sinn um LIVE-PORTAL oder via PDF noozekucken.

Flott FOTOEN vum Meeting SINN HEI ZE GESINN.

Och dëst Joer hun ërem eng grouss Zuel vun Jugen an Fréiwellegen matgehollef dass och dëss Editoun en vollen Erfolleg ginn ass. Op dësem Wee wëllen mir iech all en ganz groussen MERCI soen.

Live-Portal powered by


CAS Masken

Mir verkaafen Masken mam CAS-Logo zum Préis vun 8€ pro Stëck.
D’Masken sinn 3-fach beschicht an kënnen gewäsch ginn.

Wann der interesséiert sidd, da mellt Iech w.e.g. beim Luc Hensgen.