Den 2ten Cross dest Saison war dest Joer op der Fola, genauer zu Esch am Ellergronn.
Eis Athleten konnten och hei erem stuark Resultater erzielen.

Bei den Junior Fém. eng gudd 3. Plaaz vum CALMES Céline.
Sou wei och eng 3. Plaaz bei den Espoir Fém. vum BAUM Maeva.
Bei den Débutantes konnten ma dann och nach eng gudd 4. Plaaz firt WELTER Marie erreeschen.

An nach vill weider gudd Resultater vun eisen Athleten fannt der hei  Cross Fola .

Well och dëst Joer Corona-bedingt keen „realen“ Postlaaf konnt stattfannen, hun mer decidéiert beim virtuellen Postlaaf matzemaachen. Dobéi hun eng sëllechen Jonk Athleten mat hiren Elteren deelgeholl. Finalement konnten mir esou e schéinen Don un Caritas Lëtzebuerg maachen.

E grousse Merci un jiddwereen den matgemaach huet !

Viirun 90 Joer hun e puer onermittlech Liichtathletikbegeeschterter den C.A.S. an d’Liewen geruff, an mat ganz vill Asaatz an enger Visioun den Grondsteen zum heitegen Traditiounsverain geluecht. Op Määrtesbierg goufen Stecker gelount, an di éischt ongeféier 200m laang Piste gouf nach mat Piousch a Schëpp, an vill Schweess färdeggestallt. Den C.A.S. hat domat seng Heemecht um Bierg fond, wou haut den Stade Jean Jacoby steet.

A wann dës Plaatz kinnt Geschichten erzielen iwert all di Joeren di duerno koumen, mat all den Emotiounen, Triumpher an Nidderlaagen, Ausbauaarbechten, onermittlech an haard Traininger, Comitesversammlungen, Meetinger, dann denkt voller Dankbarkeet automatesch un all dei Menschen dei duurch hiren Asaatz an hir Visiounen den C.A.S. zu deem gemaacht hun waat en haut ass.

Dovir hun mer e klengen Film zesummegestallt, den e puer Momenter an der laanger Geschicht vum C.A.S. soll weisen. Vléicht fënnt sëch jo den een oder aaneren doran ërem

E puer Fotoen vun der 90-Joer Feier sinn hei ze fannen: 

Den Comité vum CAS seet mat déiwem Respekt all deenen Leit Merci déi den CAS an sengen 90 Joer mat Root an Doot ënnerstëtzt huet.