Willkommen beim Cercle Athletique Schifflange

Bei den éischten European Games zu Baku (Aserbaidschan) hun gléich 3 vun onsen Athleten d’Lëtzebuergesch Equippe verstärkt:

	D‘Tiffany Tshilumba wor gléich 3 mol um Start: Iwwer 100m huet hat mat enger Zéit vun 12,03s déi 5. Plaatz am Generalklassement belucht. Och iwwer 200m huet d’Tiffany an enger Zéit vun 24,58s eng 5. Plaatz gemaach. Eis 4x100m Staffel ass leider nët am Ziel ukomm.
	D‘Elodie Tshilumba wor am Héichsprong am Asaatz: Ënner 12 Konkurentinnen huet d’Elodie mat 1,78m déi 5. Plaatz ereecht.
	Den Yoann Bebon wor 2 mol um Start: Am Wéitsprong huet den Yoann mat 6,81m déi 9. Plaatz beluecht. Mat der 4x100m Staffel huet den Yoann an 42,54s eng 9. Plaatz gemaach.

All Detailer zu den European Games zu Baku kann en hei fannen.

Iwwert de Weekend woren e puer vun onsen Athleten am In- an Ausland am Asaatz:

Virun allem ervirzehiewen ass d’Performance vum Kany Touré; bei engem Meeting zu Montbéliar (F) ass d’Kany iwwer 100m Hecken an 14,34s iwwer den Zielstrëch galaaf. Domat huet hat sëch vir d’IAAF World Youth Championships (15.-19. Juli an Kolumbien) qualifizéiert! Bravo!

Bei engem Meeting zu Watermael-Boitsfort (B) huet d’Emilie Buschgens am Kugelstoussen (3kG) eng Wéit vun 13,85m erzielt.

Zu Gréivenmaacher bei engem Meeting ouvert courses haaten mer dës Leit um Start:

600m juniors/espoirs/seniors masculins:
1. Plaatz – Hensgen Luc  an 1‘23“15
2. Plaatz – Baratte Andrea an 1‘23“41

600m juniors/espoirs/seniors féminins:
1. Plaatz – Thomas Melissa an 1‘42“86

300m minimes/cadettes féminins:
4. Plaatz – Kauffmann Julia an 46“18

Den leschten Samsden hun mier den Challenge Tabeblatt 5 um Bierg organiséiert.
Iwwer 240 Kanner hun bei dësem Challenge Tageblatt matgemaach. Dobéi haaten mir insgesamt 23 Kanner an denen 4 Altersklassen um Start.

D’Resultater kann een hei fannen.

Och e grousse Merci un all d’Benevolen déi eis gehollef hun dass dësen
Meeting an och d’Schëfflengerfest reibungsloos iwwer d’Bühn gaang ass.