Willkommen beim Cercle Athletique Schifflange

Meeting International 2015

Och dëst Joer wor onsen Meeting International ërem en vollen Erfolleg.
Bei herrlëchstem Wieder woren eng Reih ganz staark Performancen ze gesinn:

Aus Lëtzebuerger Siicht stëcht virun allem am Kugelstoussen emol méi den
Bob Bertemes eraus. An engem pakenden Wettkampf konnt den Bob séin
Landesrekord op 19,86m verbesseren. Gewonnen gouf d’Kugelstoussen
vum Frank Elemba mat 20,03m virum Tobias Dahm 19,93m.
Dës 20,03m bedeiten dann och neien Meeting-Rekord.

En neien Meeting Rekord wor och am Diskus ze gesinn wou den déitschen
Daniel Jasinski en Worf vun 62,88m geglëckt ass.

Am Héichsprong vun den Hären konnt den Dmitry Kroyter (ISR) mat
iwersprongenen 2,29m d’Konkurenz vir sech entscheeden. Och hei en
neien Meeting Rekord. Den Dmitry léist domat och den Ticket vir Rio 2016.
Eis Lëtzebuerger Nowuesshoffung, den Kevin Rutare konnt hei seng
perséinlech Beschleechtung op 2,17m steigeren.

Sämtlech Resultater vum Meeting sinn hei ze fannen.

Bei dëser Gelegenheet wëllen mir och all den Jugen an Fréiwellegen
en dëcke Merci soen; ouni dësen Asaatz wir et nët méiglech sou en
Meeting duerchzezéihen.

Eng ganz Reih Fotoen vum Meeting sinn hei ze gesinn.
Weider Fotoen sinn och um Site vun der FLA ze fannen. (Oppassen Copyright !)

Ob dir bei eiser Tombola gewonnen  hutt, kann en hei rausfannen.


Championnats Individuels 2015

Leschten Weekend woren am Stade op Flohr zu Grevenmacher déi dësjähreg
national Eenzelmeeschterschaften bei den Dammen & Hären.

Dobéi konnten mir virun allem bei den Hären e puer Podiumen mathuelen:

Den BEBON Yoann konnt sëch gléich 2 mol den Landesmeechtertitel sëcheren:
Iwwer 100m wor de Yoann mat 11,01s den séiertsten; och am Wéitsprong konnt
de Yoann sech mat 6,49m durchsetzen.

Iwwer 800m bei den Männer haaten mir gléich 2 Eisen am Feier:
Den HENSGEN Luc konnt an 1:59,29s sëch déi 2. Plaatz sëchern,
knapp virum BARATTE Andrea mat 1:59,35s

Iwwer 1500m huet den BARATTE Andrea an 3:59,98s eng 2. Plaatz beluecht.

Weider haten mir bei den Hären um Start:

Den REMY Raphael iwwer 800m als 8. an 2:11,09s
Den BEBON Quentin am Héichsprong als 6. mat iwwersprongenen 1,80m
(Dobéi ass ze soen dass den Héichsprong e bessi ënnert dem staarken Wand gelidden huet)

Bei den Dammen haten mir leider nëmmen 2 Athleten um Start:

D‘ ROSSI Sandrine iwwer 100m als 6. an 13,23s.
Bei den Espoirs iwwer 100m huet d’Sandrine déi 2. Plaatz beluecht.
D‘ THOMAS Melissa iwwer 800m als  5. an 2:38,86s

D’Resultater sinn hei ze fannen.